Ahabanza  >>  Amakuru Yose >> Imyidagaduro >> Mu Rwanda >> 

King James yageze muri Amerika gutunganyirizayo zimwe mu ndirimbo ze

Umuhanzi King James yamaze kugera muri Amerika aho agiye gukorera indirimbo z’ amajwi n’ amashusho y’ indirimbo ze.

Ku munsi wo kuwa kabiri taliki ya 12 gushyingo 2013 nibwo umuhanzi King James yafashe Rutemikirere yerekeza muri Leta Zunze Ubumwe za Amerika aherekejwe na zimwe mu nshuti ze, na bamwe mu banyamakaru yerekeza muri Amerika.

King James

Kimwe mubyo yatangarije inshuti ze mbere y’ uko agenda, ngo ni uko agiye gutunganyirizayo indirimbo akazanakorerayo amashusho ya zimwe mu ndirimbo yari amaze gutunganya hano mu Rwanda.

Mu kiganiro nagiranye na Bahati Alphonse inshuti magara ya King James, uyu bakaba baranakoranye indirimbo yitwa Birasohoye, yambwiye ko King James azamara ibyumweru 2 muri Amerika kandi ngo ni gahunda z’ akazi zimujyanye, gusa ngo zirangiye yahita agaruka.

Mubajije niba kuva yagera muri Amerika bari bavugana, Bahati yambwiye ko bataravugana ariko ngo bishoboka ko King James ataramara kwisuganya ngo abashe guhamagara abantu bo mu Rwanda.

Tumubajije niba hari gahunda yo kubonana na The Ben na Meddy na K8, yatubwiye ko bishobotse babonana, ariko ngo yagiye abiteganya, kimwe na Producer we wa cyera Lick Lick.

Bishoboka ko isosiyete icuruza iby’ itumanaho yitwa airtel King James asanzwe abereye Ambasaderi, ariyo yamuteye inkunga kugira ngo abashe gukora uru rugendo cyane ko yari yarashatse kugenda mu minsi ishize ariko bikanga.

Gentil Gedeon – imirasire.com

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Close X